सुदूरपश्चिमका महामन्त्री सवार गाडी भारतमा दुर्घटना, शाहसहित छ जना घाइते
नेपाली कांग्रेस सुदूरपश्चिमका महामन्त्री नरनारायण शाह ‘मनु’ सवार गाडी भारतमा दुर्घटनामा परेको छ । भारतको खिरी जिल्लाको खुटारमा दुर्घटना हुँदा शाहसहित छ जना घाइते भएका छन् । अन्य घाइते पनि शाहकै परिवारका सदस्य रहेको बताइएको छ ।
शाहसँगै उनकी बहिनी र ज्वाईंलाई थप उपचारका लागि शाहजहाँपुर लगिएको छ भने अन्य तीन जनालाई धनगढी ल्याइँदै छ । शाहको अवस्था खतरामुक्त रहेको बताइएको छ ।
महामन्त्री शाह परिवारका सदस्यसहित धनगढीबाट उपचारका लागि दिल्ली जाँदै गर्दा उनीहरू सवार गाडी बससँग ठोक्किएर दुर्घटना भएको हो ।
