आज भ्यालेन्टाइन डे, प्रेम दिवसमा फूलहरूसँगै खुसी डेलिभर
काठमाडौँ । आज भ्यालेन्टाइन डे अर्थात् प्रेम गर्नेहरूको दिन । आजको दिन विश्वभरि नै एक अर्कामा प्रेम आदानप्रदान गर्दै मनाइँदै छ।
नेपालमा पनि युवायुवतीदेखि आफूलाई मन पर्ने व्यक्तिहरूमा एक आपसमा उपहार तथा फूल आदानप्रदान गरेर प्रेम दिवस मनाइँदै छ । प्रेम दिवसको बेला अन्य समय भन्दा बजारमा फूल व्यापारीले राम्रो आम्दानी गर्ने गर्छन् ।
यो बेला बजारमा फूलहरूको माग उच्च हुने गर्दछ । बदलिँदो डिजिटल प्रविधि कोही व्यक्ति समान लिन पसल पसल धाउन नपर्ने समय छ । यो कुरा अहिले फुल तथा गिफ्ट पसल मा पनि उतिकै लागु हुँदैछ ।
काठमाडौँको मध्य बानेश्वरमा रहेको हिमालय फ्लोरिकल्चरलाई यति बेला भ्याई नभ्याई छ । ४ वर्षअघि, व्यवसायी निर्मल घर्ती र सविन ढकाल ले एउटा सानो सपना देखे—ताजा, सुन्दर र गुणस्तरीय फूल उत्पादन गरी ग्राहकलाई सहज रूपमा उपलब्ध गराउने ।
उनीहरूले फूलको बगैँचाबाट आफ्नो व्यवसाय सुरु गरे उनीहरू भन्छन्, ‘आजकल गाहकहरू पसल आउनुहुन्न टिकटक, फेसबुक र इन्स्टाग्रामजस्ता प्लेटफर्ममै हामी हाम्रो समान बेच्न व्यस्त हुन्छौँ । ग्राहकले अनलाइन नै अर्डर गर्नु हुन्छ । हामी २ घण्टा मै डेलिभर गर्ने गर्छौँ ।’
हिमालयन फ्लोरिकल्चरसँग पनि धेरै रोचक अनुभव छन्। एक जना ग्राहकले आफ्नी प्रेमिकाको उचाइ जत्रै ३५ हजारको बुके अर्डर गरेका थिए।धेरै ग्राहकहरूले नाम नखुलाईकन फूल पठाउन चाहन्छन्, जसले सम्बन्धहरूमा रोमान्स र रहस्य थप्छ ।
स्कुलका विद्यार्थीहरू, जससँग आफ्नै मोबाइल हुँदैन, बाबुआमाको फोनबाट अर्डर गर्छन्। ग्राहकहरूले केवल फूल मात्रै होइन, टेडी बियर, चकलेटहरू, र कस्टमाइज गरिएको उपहार पनि अर्डर गर्छन्।
सुरुमा मात्र ३ जनाले सञ्चालन गरेको यो व्यवसाय अहिले मार्केटिङ, डेलिभरी र सोसल मिडिया टिम गरी १४ जनाको टिममा बदलिएको छ।
