प्रहरी प्रभाग साँखुमा महिला प्रहरी जवान झुण्डिएकाे अवस्थामा मृत फेला
काठमाडौं । काठमाडौंको साँखुस्थित प्रहरी प्रभाग साँखुमा कार्यरत महिला प्रहरी मृत फेला परेकी छन् ।
बुधबार मध्यान्न साढे ११ बजेतिर ब्यारेककै पंखामा झुण्डिएको अवस्थामा प्रहरी जवान महिला मृत फेला परेकी हुन् ।
बर्दिया घर भएकी निशा चौधरी ब्यारेकको पंखामा झुण्डिएको अवस्थामा शव फेला परेको जिल्ला प्रहरी परिसर काठमाडौंका एसपी अपिलराज बोहराले बताए ।
उनले भने,‘अहिलेसम्म झुण्डिएर आत्महत्या गरेको देखिन्छ । सुसाइड नाेट या अन्य शंकास्पद बस्तु भेटिएकाे छैन । घटनाबारे प्रहरी वृत्त बाैद्धबाट थप अनुसन्धान भइरहेको छ ।’
अनुसन्धानको लागि टोली परिचालन गरिसकेको उनले बताए । उनका अनुसार उनी ड्युटी बीचैमा छाडेर गएकी थिइन् ।
