Logo
१ असार २०८१, शुक्रबार
(May 23, 2024)

‘सामाजिक उत्तरदायित्वका लागि पत्रकारिता’

तिलौराकोटलाई विश्व सम्पदा सूचीमा राख्नका लागि सहयोग गर्न प्रधानमन्त्रीको आग्रह

काठमाडौँ । प्रधानमन्त्री पुष्पकमल दाहाल प्रचण्डले प्राचीन कपिलवस्तुको राजधानी रहेको तिलौराकोटलाई विश्व सम्पदा सूचीमा सूचिकृत गर्नका लागि सहयोग गर्न आग्रह गरेका छन् । २५६८ औँ बुद्ध जयन्ती एवं लुम्बिनी दिवस मूल समारोहद्वारा बिहीबार लुम्बिनीमा आयोजित कार्यक्रमलाई सम्बोधन गर्दै प्रधानमन्त्री प्रचण्डले सहयोगका लागि आग्रह गरेका हुन् ।

सन् १९९६ देखि नै सम्भावित विश्व सम्पदा सूचीमा राख्न सरकारले संयुक्त राष्ट्रसँगको युनेस्को विश्व सम्पदा केन्द्रमा दर्ता गरिसकेको बताए । खासगरी बिमिस्टेकका महासचिव र भारतसँग सहयोगका लागि उनले आग्रह गरेका हुन् ।

‘सम्भावित विश्व सम्पदा सूचीमा सन् १९९६ देखि सूचीकृत प्राचीन कपिलवस्तुको राजधानी तिलौराकोटलाई विश्व सम्पदा सूचीमा राख्न नेपाल सरकारबाट युनेस्को विश्व सम्पदा केन्द्रमा मनोनयन दर्ता गरिसकेको छ । यसको अन्तिम निर्णय विश्व सम्पदा केन्द्रको ४७ औँ महासभाले गर्नेछ । खासगरी सहयोगका लागि बिमिस्टेकका महासचिव र भारतका राजदूतलाई आग्रह गर्दछु’, प्रधानमन्त्री प्रचण्डले भने ।

उनले अघिल्लो महिना भएको तेस्रो लगानी सम्मेलनमा बृहत्तर लुम्बिनी विकासको योजना समावेश भई लगानीका लागि विश्व समुदायलाई आह्वान गरिएको समेत बताए ।

प्रकाशित मिति: May 23, 2024

प्रतिक्रिया दिनुहोस्