Logo
३ बैशाख २०८१, सोमबार
(March 31, 2024)

‘सामाजिक उत्तरदायित्वका लागि पत्रकारिता’

कांग्रेस सांसदको प्रश्न : रुसको श्रम स्वीकृति दिएर सरकारले युवालाई मर्न जाऊ भनेको हो ?

काठमाडौँ । नेपाली कांग्रेसकी सांसद रमा कोइराला पौडेलले रुसमा श्रम स्वीकृति दिएर सरकारले के गर्न खोजेको भन्दै प्रश्न गरेकी छन् । आइतबार प्रतिनिधिसभा बैठकको विशेष समयमा उनले रुसी सेनामा भर्ती भएकालाई नेपाल फर्काउन नसकेका बेला श्रम स्वीकृत दिने सरकारको नीतिबारे प्रश्न गरेकी हुन् ।

‘युवा धेरै भएको हो ? मर्नका लागि बाटो खुला गरेर पठाउने सरकारको चाहना हो ?,’ सांसद पौडेलको प्रश्न छ, ‘युद्धग्रस्त देशमा श्रमिक पठाउने काम बन्द गरोस् । मरे मर जाऊ, अरूको लागि लड, मर भन्ने कस्तो हो ? सरकारलाई प्रश्न छ ।’

उनले देशभर महिलाको हत्या भइरहेको भन्दै गृहमन्त्रीमाथि प्रश्न उठाएकी छन् । ‘युवतीको ज्यान गएको छ । हत्या गरिएको छ, गृहमन्त्री के हेरेर बस्नुभएको छ ? एक हप्तामा सात÷आठ जना युवतीको हत्या भएको छ, के हेरेर बसेको छ सरकार ,’ उनको प्रश्न छ ।

सांसद पौडेलले अन्तर–व्यवस्थापिका सङ्घ (आइपियू) को महासभामा सहभागी नेपाली प्रतिनिधिमण्डलमा महिलाको ३३ प्रतिशत सहभागिता नगराइएकोमा सभामुखलाई प्रश्न गरेकी थिइन् ।

प्रकाशित मिति: Mar 31, 2024

प्रतिक्रिया दिनुहोस्