नागरिकता किर्ते अभियोगमा पक्राउ गर्न आदेशपछि गाउँपालिका अध्यक्ष फरार
मधेश प्रदेश स्थित जिल्ला अदालत सर्लाहीले धनकौल गाउँपालिकाका अध्यक्ष रामआश्रय साहलाई पक्राउ गर्न आदेश दिएको छ । नागरिकता किर्ते गरेको अभियोगमा दर्ता भएको उजुरीमा जिल्ला अदालतले पक्राउ आदेश जारी गरेपछि उनी सम्पर्कबिहीन बनेका छन् ।
२१ भदौमा अदालतले उनीविरुद्ध पक्राउ आदेश जारी गरेको हो । गाउँपालिका अध्यक्ष साहले फरकफरक मितिमा उमेर र नम्बर समेत फरक रहेका नागरिकता लिएको भन्दै जाहेरी परेको थियो ।
नागरिकता किर्ते अभियोगमा २०७९ पुसमै उच्च अदालत जनकपुरका न्यायाधीशद्धय न्यायाधीश विष्णुप्रसाद कोइराला रसागर विष्टको संयुक्त इजलासले जाहेरी दर्ता गरी कारवाही अघि वढाउन आदेश दिएपछि उनीविरुद्ध प्रहरीमा जाहेरी दर्ता भएको थियो ।
प्रहरीले सरकारी वकिलको कार्यालयमार्फत दायर गरेको मुद्दामा अदातले पक्राउ आदेश जारी गरेको हो ।
