कार्यसम्पादन समितिको बैठकमा देउवाद्वारा राष्ट्रपतिमा रामचन्द्रको नाम प्रस्ताव
नेपाली कांग्रेसका सभापति शेरबहादुर देउवाले राष्ट्रपतिमा पार्टीका वरिष्ठ नेता रामचन्द्र पौडेलको नाम प्रस्ताव गरेका छन् ।
कार्यसम्पादन समितिको बैठक अघि पार्टी कार्यालयमा बसेको अनौपचारिक बैठकले पौडेलको नाम प्रस्ताव गरेको हो ।
यससँगै सो नाम अनुमोदनको लागि कार्यसम्पादन समितिको बैठक सुरु भएको छ ।
सो बैठकमा देउवाले औचारिक रुपमा पौडेलको नाम प्रस्ताव गरेका छन् ।
अर्का नेता कृष्ण सिटौलाको नाम पनि प्रस्ताव भए वा अन्य कुनै उम्मेदवार प्रस्तूत भए सभापति देउवा स्वंयले आफ्नो नाम अघि सार्ने स्रोतको दावी छ ।।
