चुनावी तालमेल विवादित क्षेत्रबारे छलफलका लागि आज पनि गठबन्धनको बैठक बस्दै
चुनावी तालमेल विवादित क्षेत्रबारे छलफल गर्न आज पनि सत्ता गठबन्धनको बैठक बस्दै छ ।
प्रधानमन्त्रीसमेत रहेका नेपाली कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाल, जसपा अध्यक्ष उपेन्द्र यादवलगायत शीर्ष नेता बैठक बस्न लागेका हुन् ।
पाँच दलीय गठबन्धनको बैठक हिजो आइतबार बेलुकी पनि बालुवाटारमा बसेको थियो । तालमेल गर्न बाँकी रहेका र विवादित क्षेत्रबारे आज बिहान बैठक बसेर सहमति खोजिने नेताहरूले बताएका छन् ।
पाँच दलीय गठबन्धन स्थानीय चुनावमा मिलेर जाने सहमति गरेका थिए। तर केही स्थानीय तहमा तालमेलमा विवाद हुँदा एक्ला एक्लै प्रतिस्पर्धा गर्ने तयारीमा दलहरू छन् ।
गठबन्धनको केन्द्रीय निर्णय तल्ला तहमा कार्यन्वयनमा समस्या सृजना खडा भएको छ । विभिन्न ठाउमा नेपाली कांग्रेसका नेता कार्यकताले तालमेल नगर्ने भन्दै निणर्य गरीरहेका छन् ।