चुनावी तालमेलको मोडालिटीबारे छलफल गर्न आज गठबन्धनको बैठक
स्थानीय निर्वाचनमा चुनावी तालमेलको मोडालिटीबारे छलफल गर्न सत्तारूढ पाँच दलीय गठबन्धनको बैठक आज मंगलबार बस्दै छ ।
प्रधानमन्त्री शेरबहादुर देउवा भारत भ्रमणबाट फर्किएपछि पहिलो पटक गठबन्धनको बैठक बस्न लागेको हो । प्रधानमन्त्री निवास बालुवाटारमा अहिले केही बेरमा बस्ने बैठकमा स्थानीय तह निर्वाचनमा तालमेलको मोडालिटीबारे छलफल हुनेभएको छ ।
आजको बैठकमा तालमेलको मोडालिटी टुंग्याउने गरी छलफल हुने बताइएको छ । गत १७ गते बसेको बैठकले निर्वाचनमा तालमेल गर्ने निर्णय गरेको थियो ।
