भन्सार एजेन्टको परीक्षा वैशाख १७ गते हुने
भन्सार एजेन्टको परीक्षा १७ वैशाखमा हुने भएको छ । भन्सार विभागका अनुसार १७ वैशाख शनिवार दिनको २ बजेदेखि परीक्षा हुने छ ।
उच्च अदालत पाटनले यस अघि परीक्षा स्थगन गर्न दिएको अल्पकालीन अन्तरिम आदेशलाई निरन्तरता नदिने निर्णय भएपछि परीक्षाको नयाँ मिति तोकिएको विभागले जनाएको छ ।
यसअघि गत २८ फागुनका लागि तोकिएको परीक्षा २७ गते साँझ तेस्रो पटक स्थगन भएको थियो ।
