स्थानीय निर्वाचनको सबै मतगणना स्थलमा सिसिटिभी जडान हुने
निर्मावाचन आयोगले स्थानीय तह निर्वाचनमा सबै मतगणना स्थलमा सिसिटिभी जडान गर्ने भएको छ । निर्वाचन आयोगले बिहीबार आयोजना गरेको पत्रकार सम्मेलनमा मतगणना स्थलको हकमा सबै ठाउँमा सिसिटिभीको व्यवस्था गराइने जानकारी दिएको हो ।
सिसिटिभी स्थानीय तहले राख्ने र आयोगले मनिटरिङ गर्नेछ ।यस्तै, निर्वाचनका लागि २ करोड मतपत्र छापिने जनाउँदै आयोगले आज आयुक्तहरुले प्रेसको अनुगमन गरेको समेत जनाएको छ ।
छपाई आजैबाट सुरु हुने छ । मतपत्र छपाई स्थलमा कर्नेलको नेतृत्वमा सुरक्षा व्यवस्था गरिएको आयोगले जनाएको छ । स्थानीय तहको निर्वाचन वैशाख ३० गतेका लागि तय भएको छ ।