पासपोर्ट र भिसा बिना नै एक व्यक्ति विमानमा पुगेको घटनाको छानबिन गर्न समिति गठन
गृह मन्त्रालयले त्रिभुवन अन्तर्राष्ट्रिय विमानस्थलमा पासपोर्ट र भिसा बिना नै एक व्यक्ति विमानमा पुगेको घटनामा छानबिन गर्न समिति बनाइएको छ ।
गृह मन्त्रालयले अध्यागमन विभागका महानिर्देशकको संयोजकत्वमा ९ सदस्यीय समिति गठन गरेको छ । समितिलाई प्रतिवेदन बुझाउन ७ दिनको समय दिइएको छ ।
गत फागुन ९ गते कतार उड्न लागेको नेपाल एयरलाइन्सको विमानमा एक व्यक्ति बिना कागजात पुगेका थिए ।
