प्रतिगमनविरुद्ध पाँच दलीय गठबन्धनलाई आगामी दिनमा पनि निरन्तरता दिनुपर्छ : चित्रबहादुर के.सी
जनमोर्चा अध्यक्ष चित्रबहादुर के.सीले प्रतिगमनविरुद्ध पाँच दलीय गठबन्धनलाई आगामी दिनमा पनि निरन्तर दिनु आजको अवश्यकता भएको बताएको छ ।
अध्यक्षर के.सीले एक विज्ञप्ति निकाली प्रतिगमनविरुद्ध कायम पाँच दलीय गठबन्धनलाई आगामी दिनमा पनि निरन्तरता दिनु आजको आवश्यकता रहेको उल्लेख गरेका छन् ।
राष्ट्रिय सभाको निर्वाचनमा पाँच दलीय गठबन्धनको संयुक्त प्रयासबाट एमालेका उम्मेदवार पराजित हुनुले प्रतिगमनलाई परास्त गर्न र गणतन्त्रको रक्षाको संघर्षमा सहयोग पुगेको निष्कर्ष केसीको रहेको छ ।
२०६२/६३ सालका उपलब्धिलाई समाप्त गर्ने प्रयास भइरहेको भन्दै के.सी.ले राष्ट्रिय जनमोर्चाले राजावादी शक्तिले गणतन्त्रलाई समाप्त गर्न प्रयत्न गरिरहेका र एमालेका अध्यक्ष केपी ओलीका हरेक क्रियाकलापलाई गणतन्त्र विरोधी शक्तिहरुले समर्थन गरिरहेको बताएका छन् ।
