काठमाडौंमा छुटाछुटै भएको दुर्घटनामा २ जनाको मृत्यु
काठमाडौंमा भएको छुटाछुटै भएको सवारी दुर्घटनामा २ जनाको ज्यान गएको छ ।काठमाडौं मिनभवनमा बागमती प्रदेश ०२-०३१ प ७५६२ नम्बरको मोटरसाइकलले आइतबार साँझ साढे ६ बजे ठक्कर दिंदा रामेछापका ६३ वर्षीय जीवनाथ गौतमको मृत्यु भएको छ ।
गौतमलाई बाटो काट्ने क्रममा मोटरसाइकलले ठक्कर दिएको थियो । ठक्करबाट घाइते भएका गौतमलाई उपचारका लागि सिभिल अस्पताल लगिएको थियो र उनको उपचारको क्रममा सिभिल अस्पतालमा मृत्यु भएको प्रहरीले जनाएको छ ।
त्यस्तै बिजुलीबजारमा गएराति साढे ११ बजे नम्बर नखुलेको टिपरले ठक्कर दिंदा कालीकोटको पचालझरना घर भई भक्तपुरको व्यासी बस्दै आएका विपिन विकको मृत्यु भएको छ ।
ठक्कर दिने टिपरको नम्बर नखुलेको र खोजीकार्य जारी रहेको प्रहरीले जनाएको छ ।
