आज गुरुङ समुदायले हर्षोल्लासको साथ तमु ल्होसार पर्व मनाउँदै
आज पुष १५ गते गुरुङ समुदायले हर्षोल्लासको साथ तमु ल्होसार पर्व मनाउँदैछन् । तमु भन्ने शब्दले गुरुङ समुदायलाई चिनाउँछ र ल्होसार भनेको नयाँ वर्ष हो । यी दुई शब्द मिलेर तमु ल्होसार बनेकोले आज गुरुङ समुदायको नयाँ वर्ष हो ।
ल्होसारले किसानी जीवनशैली तथा मौसम र प्रकृतिको निकटता प्रतिविम्बित गरेको हुन्छ । चिनियाँ पात्रोअनुसार वर्षमा १२ महिना हुन्छन् ।
यी १२ महिना जनावरको नामले नामाकरण गरिएको हुन्छ । गुरुङ समुदायले आजबाट गाई वर्षलाई विदा गरेर बाघ वर्षलाई स्वागत गर्दैछन् ।
यसैबीच, सरकारले गुरुङ समुदायको पर्व तमु ल्होसारको अवसरमा सरकारले आज सार्वजनिक विदा दिएको छ । हिजो बसेको मन्त्रिपरिषद् बैठकले विदा दिने निर्णय गरेको हो ।
ल्होसार नेपालमा मात्र होइन, तिब्बत, भुटान, भारत, म्यानमार, अमेरिका, अष्ट्रेलिया, बेलायतलगायतका देशमा छरिएर रहेका तमु समुदायले भव्यताका साथ मनाउने गर्छन् ।
