बन्द उल्लंघन गरेको भन्दै सिके राउतका कार्यकर्ताद्वारा गाडी तोडफोड
प्रदेश नं २ स्थित सिराहामा बन्द उल्लंघन गरेको भन्दै जनमत पाटिका अध्यक्ष सिके राउतका कार्यकर्ताहरुले सवारी साधनहरू तोडफोड गरेका छन् । उनीहरूले बन्द उल्लंघन गरेको आरोपमा मिर्चैयामा गाडीहरू तोडफोड गरेका हुन् ।
औरही गाउँपालिकाबाट गहुँ लुटेको आरोपमा प्रहरीले एक जनालाई पक्राउ गरेपछि सीके राउत नेतृत्वको जनमत पार्टीले आज बन्द आह्वान गरेको छ ।
मिर्चैयामा सीके राउतका कार्यकर्ताहरूले चार-पाँच वटा गाडीहरूको सिसा फुटाएका छन् । प्रहरी नभएको मौकामा उनीहरूले गाडीमा तोडफोड गरेको बताइएको छ ।
गहुँ लुटेको आरोपमा प्रहरीले चार जनाविरुद्ध मुद्दा दायर गरेको छ भने तीमध्ये, एक जनालाई पक्राउ गरेको छ । यसको विरोधमा जनमत पार्टीले गाउँपालिकामा तालाबन्दी गरेको छ ।
