राष्ट्रियसभा निर्वाचनका लागि देशभर तोकियो १४ मतदान केन्द्र
आगामी फागुन १२ गते हुने राष्ट्रिय सभा निर्वाचनका लागि निर्वाचन आयोगले मतदान स्थल र मतदान केन्द्र तोकेको छ ।
आयोगले बिहीबार एक विज्ञप्ति जारी गर्दै ८ वटा मतदान स्थलमा १४ वटा मतदान केन्द्रहरू तोकेको हो । आयोगका अनुसार प्रदेश १ मा २ वटा मतदान स्थल केन्द्र र अन्य ६ वटा प्रदेशमा १/१ वटा मतदान स्थलभित्र २/२ वटा मतदान केन्द्र रहने गरी ८ वटा मतदान स्थलमा १४ वटा मतदान केन्द्रहरू तोकिएका छन् ।
आयोगका अनुसार ५३२ तथा गाउँपालिका अध्यक्ष तथा उपाध्यक्ष एवम् नगरपालिकाका प्रमुख तथा उपप्रमुखहरू १४९३ गरी जम्मा २०२५ मतदाता रहेका छन् ।
राष्ट्रिय सभामा चार बर्से कार्यकाल सकिएर फागुन २१ गतेबाट १९ सांसद बिदा हुँदै छन् । सोही स्थानमा निर्वाचन हुन लागेको हो ।
