आंशिक बदली भएसंगै देशभर चिसो बढ्यो, प्रदेश १ र २ मा हल्का वर्षाको सम्भावना
यतिबेला नेपालमा चिसो बढ्दै गइरहेको छ । देशमा विभिन्न भागमा आंशिक बदली रहेसंगै देशभर चिसोसमेत बढ्दै गएको मौसम पूर्वानुमान महाशाखाले बताएको छ ।
हाल देशका पहाडी भू-भागमा आंशिक बदली रहेको छ।देशभर चिसो बढ्ने क्रममा रहेकोले चिसोबाट बच्ने आवश्यक सुरक्षा एवं सतर्कता अपनाउन महाशाखाले अनुरोध गरेको छ।
आज प्रदेश नं १ को भू-भागमा आंशिक देखि सामान्य बदली, बाँकी प्रदेशको पहाडी भू(भागमा आंशिक बदली तथा अन्य भू-भागमा मौसम सामान्यतया सफा रहनेछ।
प्रदेश नं १ को पहाडी भू-भागका एक वा दुई स्थानमा हल्का वर्षाको सम्भावना रहेको छ।रातीसम्म प्रदेश नं १ र प्रदेश नं २ को भू(भागमा आंशिक देखि सामान्य बदली, बाँकी प्रदेशको पहाडी भू-भागमा आंशिक बदली तथा अन्य भू-भागमा मौसम सामान्यतया सफा रहनेछ।
प्रदेश नं १ र प्रदेश नं २ का भू-भागका एक वा दुई स्थानमा हल्का वर्षाको सम्भावना रहेको छ ।
