विष्णु पौडेलले दर्ता गराए एमाले उपाध्यक्षमा उम्मेदवारी
नेकपा एमाले उपाध्यक्षमा एमाले नेता विष्णु पौडेलले उम्मेदवारी दर्ता गराएका छन् ।
अध्यक्ष मण्डलका अध्यक्ष केपी शर्मा ओलीले घोषणा गरेको पदाधिकारी सूचीमा पनि उपाध्यक्ष नै रहेका पौडेलले उम्मेदवारी दर्ता गराएका हुन् ।
एमालेको जारी १० औं महाधिवेशनअन्तरगत पौडेलले उपाध्यक्षमा उम्मेदवारी दिएका हुन् ।उपाध्यक्षका लागि रामबहादुर थापा बादल, अष्टलक्ष्मी शाक्य, युवराज ज्ञवाली र घनाश्याम भुसालले उम्मेदवारी दर्ता गराइसकेका छन् ।
भुसाल ओलीले घोषणा गरेको सूचीमा नपरेका नेता हुन् ।एमालेको नयाँ नेतृत्वका लागि अहिले धमाधम उम्मेदवारी दर्ता भइरहेको छ ।
