भीम रावलले दर्ता गराए एमाले अध्यक्षमा उम्मेदवारी
नेकपा एमालेका उपाध्यक्षभीम रावलले अध्यक्ष पदका लागि उम्मेद्वारी दर्ता गराएका छन् । निर्वाचन प्रकिया सुरु भएलगत्तै रावलले अध्यक्षमा उम्मेदवारी दर्ता गराएका हुन् ।
रावललाई महादेव बजगाईंले प्रस्ताव गरेका छन् भने दुधकला बिष्टले समर्थन गरेकी छन् ।महाधिवेश उद्घाटनअघि नै अध्यक्षमा उम्मेदवार दिने घोषणा गरेका रावलले सहमतिको प्रयास भए पनि चुनावी मैदानमै उत्रिएका हुन् ।
अब रावलको प्रतिस्पर्धा केपी ओलीसँग हुनेछ । हिजो केपी शर्मा ओलीले सहमतिका लागि छलफल गरेका थिए तर उनले असहमति कायमै राखेपछि निर्वाचनका लागि पक्रिया सुरु गर्न ओलीले नेताहरुलाई आग्रह गरेका थिए ।
निर्वाचन प्रक्रिया विहान ८ बजेदेखिनै सुरु भएको छ ।
