Logo
१६ चैत्र २०८०, शुक्रबार
(November 25, 2021)

‘सामाजिक उत्तरदायित्वका लागि पत्रकारिता’

महन्थ ठाकुर एमाले महाधिवेशनमा शुभकामना दिन आइपुगे चितवन

लोकतान्त्रिक समाजवादी पार्टीका अध्यक्ष महन्थ ठाकुर एमालेको १०औं राष्ट्रिय महाधिवेशनलाई शुभकामना दिन चितवन आइपुगेका छन् ।

बुद्ध एयरबाट उनी बिहीबार नै चितवन आइपुगेका हुन् । एमालेको १० औं राष्ट्रिय महाधिवेशन भोलिबाट सुरु हुदै छ । एमालेले संसदमा प्रतिनिधित्व गर्ने सातवटा राजनीतिक दललाई महाधिवेशनमा अतिथिका रूपमा बोलाएको छ ।

प्रधानमन्त्री शेरबहादुर देउवा, जसपा नेता उपेन्द्र यादव, राप्रपा अध्यक्ष कमल थापा, जनमोर्चा अध्यक्ष चित्रबहादुर केसीले महाधिवेशनमा शुभकामना मन्तव्य दिने तय भइसकेको एमाले प्रचार विभाग प्रमुख योगेश भट्टराईले जानकारी दिएका छन् ।

माओवादी केन्द्रका अध्यक्ष पुष्पकमल दाहाल ‘प्रचण्ड’ भने चितवन आउने नआउने निश्चित भइसकेको छैन । एकीकृत समाजवादीका अध्यक्ष माधवकुमार नेपाललाई भने एमालेले निम्तो गरेको छैन ।

 

प्रकाशित मिति: Nov 25, 2021

प्रतिक्रिया दिनुहोस्