शनिबारसम्म मौसम बदली हुने, उच्च हिमाली भागमा हल्का हिमपातको सम्भावना
आज देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।साथै देशैभर आंशिकदेखि सामान्य बद्ली हुने महाशाखाले जानकारी दिएको छ ।
अरब सागरमा बनेको निम्न चापीय क्षेत्रको आंशिक प्रभावका कारण शनिबारसम्म नेपालको मौसम बदली हुने महाशाखाले जनाएको छ ।बागमती, गण्डकी, लुम्बिनी, कर्णाली तथा सुदुरपश्चिम प्रदेशका भूभागहरुमा पनि आंशिक बदली हुनेछ ।
बिहीबार दिउँसो प्रदेश १, बागमती, लुम्बिनी, गण्डकी, कर्णाली र सुदूरपश्चिम प्रदेशका भूभागहरुमा बदली हुनेछ ।उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको छ ।
