माधवलाई ओलीको जवाफ : मच्छडले निदाएको बेला सिंगै हात्ती खाएको सपना देख्नु सरह !
नेकपा एकृकीत समाजवादीका अध्यक्ष माधव नेपालले एमालेलाई र्टच बालेर खोज्नुपर्ने भनेर दिएको अभिब्यक्तिलाई नेकपा एमालेका अध्यक्ष केपी शर्मा ओलीले मच्छडले सपनामा सिंगै हात्ती खाएको सपना सरह भएको बताएका छन् ।
आइतबार बसेको केन्द्रीय कमिटी बैठकमा केन्द्रीय सदस्यहरुले उठाएको प्रश्नको जवाफ दिँदै ओलीले माधव नेपाललाई मच्छडसँग तुलना गरेका हुन् ।
अध्यक्ष ओली भने ‘मच्छडले निदाएको बेला सिंगै हात्ती खाएको सपना देख्नु र माधव नेपालले आगामी चुनावमा एमालेलाई टर्च बालेर खोज्नुपर्छ भन्नु उस्तै हो’ ।
नेकपा एकीकृत समाजवादीका अध्यक्ष समेत रहेका माधवकुमार नेपालले शनिबार आगामी निर्वाचनमा केपी ओलीको पार्टीलाई टर्च बालेर खोज्नुपर्ने बताएका थिए ।
