Logo
५ कार्तिक २०७८, शुक्रबार
(September 21, 2021)

‘सामाजिक उत्तरदायित्वका लागि पत्रकारिता’

भ्रष्टाचार र ब्रम्हलुटलाई ‘अपवित्र’ गठबन्धन सरकारले वैधानिकता दियो : कमल थापा

राष्ट्रिय प्रजातन्त्र पार्टीका अध्यक्ष कमल थापाले पूर्वाधारमा लगानी गर्दा आयस्रोत नखोजिने व्यवस्था गरेर सरकारले भ्रष्टाचार र ब्रम्हलुटलाई वैधानिकता प्रदान गरेको बताएका छन् ।

उनले मंगलबार बिहान ट्विट गर्दै पूर्वाधारमा लगानी गर्दा आयस्रोत नखोजिने व्यवस्था गरेर वर्तमान ‘अपवित्र’गठबन्धन सरकारले भ्रष्टाचार र ब्रम्हलुटलाई संस्थागत र वैधानिकता प्रदान गरेको आरोप लगाएका हुन् ।

भ्रष्टाचार गरेर आर्जन गरिएको अकुत कालो धनलाई चोख्याउने निर्णय गरिएको भन्दै उनले भर्त्सना गरेका छन् । उक्त निर्णय तत्काल फिर्ता लिन माग समेत गरेका छन् ।

उनले ट्विटरमा लेखेका छन्,’वर्तमान ‘अपवित्र’ गठबन्धन सरकारले भ्रष्टाचार र ब्रम्हलुटलाई संस्थागत र वैधानिकता प्रदान गरेको छ । भ्रष्टाचार गरेर आर्जन गरिएको अकुत कालो धनलाई चोख्याउने सरकारको यस निर्णयको विरोध र भर्त्सना गर्दछु । यो निर्णय तत्काल फिर्ता गरियोस् ।’

प्रकाशित मिति: Sep 21, 2021

प्रतिक्रिया दिनुहोस्