आज एमाले स्थायी कमिटी बैठक
नेकपा एमालेको स्थायी कमिटी बैठक आज बस्दै छ ।
ललितपुरको तुल्सीलाल स्मृति प्रतिष्ठानमा शुक्रबार अपराह्न ४ बजे बैठक बस्ने एमाले कार्यालय सचिव शेरबहादुर तामाङले जानकारी दिएका छन् ।
बैठकमा विधान महाधिवेशन (प्रतिनिधि, दस्तावेज र व्यवस्थापनको तयारी) र चालू संसद् अधिवेशनमा पार्टीको भूमिकाबारे छलफल हुनेछ ।
यही असोज ४ देखि ६ गतेसम्म एमालेको विधान महाधिवेशन काठमाडौंमा गर्ने निर्णय गरिएको छ ।
