बोहोराटारमा पौडेल समूहको बैठक जारी, क्रियाशील सदस्यता विवाद टुङ्ग्याउन समितिसँग छलफल
बोहोराटारमा नेपाली कांग्रेका वरिष्ठ नेता रामचन्द्र पौडेल समूहको बैठक जारी छ ।नेपाली कांंग्रेसको क्रियाशील सदस्यता विवादका विषयमा छलफल गर्नका लागि बिहान १० बजेदेखि पौडेल समूहको बैठक बसिरहेको हो ।
क्रियाशील छानबिन समितिसँग छलफल गरेर बाँकी विवादित जिल्लाको क्रियाशील टुङ्ग्याउने विषयमा पौडेल समूहका नेताहरु छलफलमा जुटेका हुन् ।
साथै पौडेल समूहले आफ्नो समूहमा सभापतिको आंकाक्षी उम्मेदवारबाट एक उम्मेदवार बनाउने विषयमा पनि छलफल गर्दै छ ।
हिजो (मंगलबार) को बैठकमा क्रियाशील सदस्यताको धाँधलीविरुद्ध एकजुट हुने निर्णय गरेका उनीहरूले सरकारको प्रभावकारिताका विषयमा पनि प्रश्न उठाएका थिए ।
उनीहरूले आफूले पाउने मन्त्रालयमा मात्र नियुक्त गरेर भए पनि सरकारको प्रभावकारिता स्थापित गर्न प्रधानमन्त्री देउवालाई सुझाव पनि दिएका छन् ।