प्रदीप नेपालले छाडे माधवले झेली गरेको भन्दै एकीकृत समाजवादी
प्रदीप नेपालले नेकपा माधवकुमार नेपालले झेली कुरा गरेको भन्दै एकीकृत समाजवादीबाट बिदा लिएको घोषणा गरेका छन् ।
पछिल्लो समय निस्क्रिय अवस्थामा रहेका उनी नेकपा एकीकृत समाजवादीको सनाखतका लागि निर्वाचन आयोग पुगेका थिए ।
नेपालले सामाजिक सञ्जालमार्फत आफू सधैँ तानाशाही प्रवृत्तिको विरोधी भएको भन्दै र केपी ओलीसँग पनि नजाने बताएका छन् ।
उनले बारम्बारको कुराकानीमा जबज नहुने भए नाम नलेख्न भनेकोमा माधव नेपालले आफूलाई धोका दिएको भन्दै असन्तुष्टी जनाएका छन् ।
नेपालले फेसबुकमा भनेका छन्, ‘माधव कमरेड, म केपीसँग जान्न । किनभने तानाशाही प्रवृत्तिको म सधैं विरोधी हुँ । तपाईं पनि झेली कुरा गर्न सिक्नु भएछ’, नेता नेपालले लेखेका छन्, ‘बारम्बारको कुराकानीमा मैले जबज हुँदैन भने मेरो नाम नलेख्नुस भनेको थिएँ । तर आखिरमा तपाईंबाट पनि मैले धोकाकै उपहार लिएर जानु पर्ने भो । बिदा ।’
