कांग्रेस महाधिवेशनमा महामन्त्रीमा उम्मेदवारी दिने गगन थापाको घोषणा
नेपाली कांग्रेसको आसन्न महाधिवेशनमा महामन्त्रीमा उम्मेदवारी दिने नेता गगन थापाले घोषणा गरेका छन् ।
सोमबार काठमाडौंको आफ्नो निर्वाचन क्षेत्रमा आयोजित एक कार्यक्रममा थापाले आफ्नो उम्मेदवारी घोषणा गरेका हुन् ।
थापाले भने, ‘हामी १४ औं महाधिवेशनको प्रारम्भमा छौं, मैले यो भन्दा अघिल्लो महाधिवेशनमा महामन्त्रीमा प्रतिष्पर्धा गरेँ । मेरो वडाका अग्रज र मेरो साथीहरूको बीचमा गौरवका साथ १ ४ औं अधिवेशनमा म नेपाली कांग्रेसको महामन्त्रीमा उम्मेदवारी घोषणा गर्छु ।’
थापाले यस पटक सर्वसम्मत रुपमा चयन हुने प्रयत्न गर्ने बताए। थापा यसअघि पनि महामन्त्रीका उम्मेदवार थिए । कांग्रेसको कृष्णप्रसाद सिटौलाको खेमाबाट उठेका थापा पराजित भएका थिए।
नेपाली कांग्रेसले मंसिर ९-१३ मा १४ औं महाधिवेशन गर्ने घोषणा गरेको छ।
