धादिङमा १० दिनदेखि हराइरहेकी सम्झना रोका भेटिइन् मृत
बागमती प्रदेश स्थित धादिङमा १० दिनदेखि बेपत्ता भएकी युवती मृत भेटिएकी छन् ।
धादिङ जिल्लाको गजुरी गाउँपालिका-८, पर्वाङस्थित जंगलमा २० वर्षीया सम्झना रोकाको शव भेटिएको गजुरीका डीएसपी युवराज खड्काले जानकारी दिएका छन् ।
प्रहरीका अनुसार शव सडेको अवस्थामा बरामद भएको छ । शवलाई जाँचका लागि उठाइसकेका छौ तर पोष्टमार्टम जिल्लामै गर्ने कि अन्यत्र लैजाने अझै टुंगो नलागेको प्रहरीकार्यले बताएको छ ।
मृत्युको कारण पोष्टमार्टम रिपोर्ट आएपछि मात्र खुल्नेछ । घटनास्थलबाट उनको घर ३ सय मिटरको दूरीमा छ ।