ओलीले स्थायी कमिटी बैठक रोक्न नमानेपछि नेपाल पक्षका नेता बाहिरिए
नेकपा एमालेको स्थायी कमिटी बैठक एमालेका अध्यक्ष केपी शर्मा ओलीले ओलीले रोक्न नमानेपछि नेपाल समूहका नेता बाहिरिएका छन् ।
नेकपा एमालेको स्थायी कमिटी बैठक जारी रहेको बेला माधवकुमार नेपाल पक्ष नेता रोक्न आग्रह गर्दै बैठकस्थल पुगका थिए । बैठक स्थलमा नेपाल पक्षका नेता भीम रावल, घनश्याम भुसाल, गोकर्ण विष्ट, सुरेन्द्र पाण्डे र भीम आचार्य पुगेका थिए ।
नेता रावलले बैठक रोक्न आग्रह गरेको जानकारी दिएका छन् । शुक्रबार करिब १२ बजेदेखि ओली पक्षको स्थायी कमिटी बैठक च्यासलमा जारी छ ।
बैठक चलिरहेका बेला नेपालपक्षबाट कार्यदलमा रहेका नेताहरु पुगेर अध्यक्ष केपी शर्मा ओलीसँग आग्रह गरेका थिए ।तर, अध्यक्ष ओलीले बैठक जारी रहने बताएपछि नेपालपक्षका नेताहरु बैठकस्थलबाट बाहिरिएका छन् ।