Logo
८ श्रावण २०७८, शुक्रबार
(July 8, 2021)

‘सामाजिक उत्तरदायित्वका लागि पत्रकारिता’

कृष्णहरि पुष्कर सचिवमा बढुवा

सहसचिब कृष्णहरि पुष्करलाई सरकारले सचिवमा बढुवा गरेको छ । प्रधानमन्त्री निवास बालुवाटारमा बसेको मन्त्रिपरिषद् बैठकबाट पुष्करलाई बढुवा गरिएको हो ।

बढुवा समितिले सिफारिस गरेका प्रशासन सेवाका तीन वरिष्ठ सहसचिवमध्ये पहिलो नम्बरका पुष्करलाई सचिवमा बढुवा गरिएको हो ।

लोक सेवा आयोगका अध्यक्ष माधव प्रसाद रेग्मीको अध्यक्षतामा बिहीबार(आज) बिहान सिंहदरवारमा बसेको बढुवा सिफारिस समितिको बैठकले सहसचिवत्रय कृष्णहरि पुष्कर, खगेन्द्रप्रसाद नेपाल र किरण राज शर्माको नाम सिफारिस गरेको थियो ।

यता, केही दिनयता रिक्त सचिव पदमा नियमित जसो भइरहेका बढुवा सिफारिसमा पहिलो नम्बरकालाई बढुवा गर्ने मन्त्रिपरिषद्को निर्णयलाई कर्मचारीतन्त्रले सकरात्मकरुपमा लिएका छन् ।

यसपछिको पहिलो बढुवा सिफारिसमा शिक्षाका खगेन्द्रप्रसाद नेपाल पहिलो नम्बरमा पर्नेछन् भने दोस्रो बैठकले गर्ने सिफारिसमा किरणराज शर्मा पहिलो नम्बरमा सिफारिस हुनेछन् ।

प्रकाशित मिति: Jul 8, 2021

प्रतिक्रिया दिनुहोस्