Logo
४ आश्विन २०७८, सोमबार
(July 8, 2021)

‘सामाजिक उत्तरदायित्वका लागि पत्रकारिता’

जान्नुहोस् : डार्क चकलेट खाँदा हाम्रो शरीरलाई हुन्छन् यी पाँच फाइदा !

चकलेट भनेपछि धेरै मानिसलाई मनपर्ने खाने कुरामा पर्ने गर्छ । विशेष गरेर चकलेट बच्चाबच्ची तथा युवा पुस्तामा बढी लोकप्रिय रहेको छ । यदि आफ्नो रिसाएको पार्टनरलाई फकाउनका लागि चकलेट दिने ट्रेन्ड निकै लामो समयदेखि चल्दै आएको छ ।

तर चकलेटले रिसाएको पार्टनरलाई फकाउनुका साथै अन्य कुरामा पनि फाइदा पुर्याउँछ । डार्क चकलेट खाँदा हाम्रो शरीरले थुप्रै फाइदा पाउँछ । हरेक वर्ष ७ जुलाईमा वर्ल्ड चकलेट डे पनि मनाइन्छ ।

आज हामी तपाईलाई चकलेटले मानव शरीरलाई हुने फाइदाबारे जानकारी दिन गइरहेका छौ ।

१. कोलेस्ट्रोल घटाउँछ :

कोलेस्ट्रोलको समस्यामा पनि डार्क चकलेटले निकै फाइदा पुर्याउँछ । शोधका अनुसार डार्क चकलेटको सेवनले ब्याड कोलेस्ट्रोल कम हुन्छ र गुड कोलेस्ट्रोलको स्तर बढ्छ । यसले मुटुरोग र स्ट्रोकको खतरा कम गराउँछ । स्मरण रहोस्, शरीरमा ब्याड कोलेस्ट्रोल बढ्दा हृदयघात हुने खतरा अत्यधिक हुन्छ । तर डार्क चकलेट खाँदा यो खतरा कम हुने गर्छ ।

२. रक्तचापमा फाइदाजनक  :

शोधका अनुसार डार्क चकलेटमा भएको म्याग्नेसियमले रक्तचापलाई कम गर्न पनि निकै फाइदाजनक हुन्छ । सन् २०१२ मा अष्ट्रेलियाको एक शोधका अनुसार जसले थोरै थोरै समयमा डार्क चकलेट खान्छन् उनीहरुको रक्तचाप साधारण हुन्छ ।

३. बोसो घटाउन सहयोगी :

शोधकर्ताका अनुसार डार्क चकलेट खाँदा लामो समयसम्म भोक लागेको महसुस हुँदैन । यसमा भरपुर मात्रामा मोनो स्याचुरेटेड फ्याटी एसिड पाइन्छ जसले मेटाबोलिजमलाई बलियो बनाएर फ्याट बर्न गर्छ । अर्को एउटा शोधमा बताइए अनुसार खाना खाएपछि डेजर्टको रुपमा डार्क चकलेट खाँदा तौल नियन्त्रणमा रहन्छ ।

४. मुटुका लागि फाइदाजनक :

सन् २०१५ मा भएको एक अनुसन्धानको रिपोर्टमा बताइए अनुसार डार्क चकलेट खाँदा मुटु स्वस्थ रहन्छ । शोधको रिपोर्ट अनुसार डार्क चकलेटको सेवनले सेतो रक्त कोशिका रक्त नलीमा टाँस्सिनबाट रोक्छ । हार्ट जर्नलमा प्रकाशित एक अर्को शोधका अनुसार दैनिक डार्क चकलेट खाँदा मुटुरोग र स्ट्रोकको खतरा कम हुन्छ ।

५. दिमागको क्रियाकलाप राख्छ दुरुस्त :

डार्क चकलेट खाँदा स्मरण शक्ति तेज हुन्छ । सन् २०१२ मा युनिभर्सिटी अफ नटिङ्घमदुवारा गरिएको शोधमा बताइए अनुसार डार्क चकलेटको सेवनले दिमागमा केही घण्टाका लागि रक्तसञ्चार उत्कृष्ट हुन्छ, यसले तपाईंको कार्य क्षमता र स्मरण शक्ति बढाउँछ । सन् २०१३ मा न्यूरोलोजी जर्नलमा प्रकाशित शोधका अनुसार डार्क चकलेट खाँदा स्मरण शक्ति ३० प्रतिशतसम्म बढ्ने गर्छ ।एजेन्सी

 

प्रकाशित मिति: Jul 8, 2021

प्रतिक्रिया दिनुहोस्