संसद् विघटनको मुद्दामा प्रधानमन्त्रीको तर्फबाट बहस जारी
संसद् विघटनविरुद्ध परेको रिटमा प्रधानमन्त्री केपी शर्मा ओली पक्षका कानुन व्यवसायीले संवैधानिक इजलासमा बहस गरिरहेका छन् । प्रधानमन्त्रीको तर्फबाट पूर्वमहान्यायाधिवक्ता अग्नि खरेलले बहस गरिरहेका छन् ।
प्रधानमन्त्रीको पक्षमा बहस गर्ने कानुन व्यवसायीका लागि छुट्याएको सम अब ४ घण्टा ३३ मिनेट बाँकी छ । प्रधानमन्त्रीको तर्फबाट बुधवार वरिष्ठ अधिवक्ता सुशिल पन्त, डा.सुरेन्द्र भण्डारी र विजयकान्त मैनालीले बहस गरेका थिए ।
संवैधानिक इजलासमा प्रधान न्यायाधीश चोलेन्द्र शम्शेर जबरा, न्यायाधीश दीपक कुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई छन् ।
अब सरकारको तर्फबाट बहस सकिएपछि सभामुखका कानुन व्यवसायीले बहस गर्नेछन् । त्यसपछि निवेदकका तर्फबाट जवाफी बहस हुनेछ ।
