रौतहटको मौलापुर नगरसभामा विपक्षी समूह र प्रहरीबीच झडप, चार जना घाइते
प्रदेश नं २ स्थित रौतहटको मौलापुर नगरपालिकाको नगर सभामा विपक्षी समूह र प्रहरीबीच झडप भएको छ ।झडपका क्रममा दुई प्रहरीसहित चार जना घाइते भएको प्रहरीले जनाएको छ ।
विपक्षी समूहले बिहीबार नगरसभालाई बिथोल्न ढुंगामुढा गर्न थालेपछि प्रहरीले स्थितिलाई नियन्त्रणमा लिन दुई दर्जन सेल अश्रुग्यास समेत प्रहार गरेको छ ।
नेकपा एमालेका नेता प्रभु साह मौलापुरको नगरसभामा प्रमुख अतिथि रुपमा रहेका थिए । पूर्वमन्त्रीसमेत रहेका साह नेकपा माओवादी केन्द्र छाडेर केही समयअघि मात्रै एमाले प्रवेश गरेका हुन् ।
