आज देशभर थप २ हजार ४२१ जनामा कोरोना पुष्टि, ३५५८ संक्रमणमुक्त
नेपालमा आज थप २ हजार ४ सय २१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार बुधबार १२ हजार चार सय १४ जनामा कोरोना परीक्षण भएकोमा २ हजार ४ सय २१ जनामा कोरोना संक्रमण पुष्टि भएको हो ।
२४ घण्टामा कोरोना संक्रमणबाट थप ५२ जना र छुटेको २९ जना गरी कूल ८१ जनाको मृत्यु भएको मन्त्रालयले जनाएको छ । त्यस्तै आज थप ३ हजार पाँच सय ५८ जना कोरोना संक्रमणमुक्त भएका छन् ।
काठमाडौं उपत्यकाका भक्तपुरमा ५७, ललितपुरमा ९४ र काठमाडौंमा ३ सय ४६ गरी कूल ४ सय ९७ जनामा कोरोना संक्रमण पुष्टि मन्त्रालयले जनाएको छ ।