देउवालाई सिटौलालाई कार्यवाहक दिएर अघि बढ्न नेताहरुको सुझाव
नेपाली कांग्रेसका नेता कृष्ण प्रसाद सिटौलालाई कार्यवाहक दिएर अघि बढ्न सभापति शेरबहादुर देउवालाई निकट नेताहरूले सुझाव दिएका छन् ।
पार्टीको १४ औँ महाधिवेशनबाट सभापतिमा आफ्नै निरन्तरता दिनको लागि तयारीमा जुटेका देउवालाई नेताहरूले सिटौलालाई कार्यवाहक बनाएमा पार्टी सहजढंगले अगाडी बढ्ने र सभापतिमा जित्न सहज वातावरण बन्ने भन्दै सुझाव दिएका हुन् ।
देउवा आगामी महाधिवेशनबाट पनि आफ्नै नेतृत्वमा पार्टी अघि बढाउने सोचमा शनिवारदेखि सातै प्रदेशका आफू निकट नेताहरूसँग छलफलमा जुटिरहेका छन् ।
शनिवार प्रदेश १ र २ का नेताहरूसँग छलफल गरेका उनले आइतबार बागमती प्रदेशका नेताहरूसँग छलफल गरेका छन् ।स्रोतका अनुसार नेता भीमसेनदास प्रधानले देउवालाई सिटौलालाई कार्यवाहक बनाएर अघि बढे नेतृत्व लिन सहज हुने सुझाव दिएका हुन् ।
