सभामुख सापकोटाले छलफलका लागि बोलाए प्रधानमन्त्रीसहित शीर्ष नेतालाई
सभामुख अग्निप्रसाद सापकोटाले प्रधानमन्त्री केपी शर्मा ओलीसहित शीर्ष नेतालाई छलफलका लागि बोलाएका छन् ।
सभामुखले समसामयिक विषयमा छलफल गर्नुपर्ने भन्दै प्रधानमन्त्रीसहित नेताहरूलाई पत्र लेखी जेठ २८ गते सङ्घीय संसद् भवन नयाँ बानेश्वरस्थित ल्होत्से हलमा बोलाएका हुन् ।
सभामुखले समसामयिक विषयमा प्रधानमन्त्री, पूर्व प्रधानमन्त्री र संसदमा प्रतिनिधित्व गर्ने दलका शीर्ष नेताहरूसँग छलफल गर्न खोजेका उनका सञ्चार विज्ञ श्रीधर न्यौपानेले जानकारी दिएका छन् ।