खनाल-नेपाल समूहको केन्द्रीय कमिटीको बैठक जारी
नेकपा एमालेबाट निस्कासित नेता खनाल-नेपाल समूहको केन्द्रीय कमिटी बैठक जारी रहेको छ ।कोरोना महामारीका कारण बैठक अहिले भर्चुअलरुपमा बसिरहेको एक नेताले जानकारी दिए ।
एमालेले आज विज्ञप्ति जारी गर्दै कानुन र विधानविपरीतका बैठकमा सहभागी नहुन निर्देशन दिएको थियो ।आजै बालुवाटारमा एमालेको स्थायी कमिटी बैठक बोलाइएको छ ।
पार्टी अध्यक्ष तथा प्रधानमन्त्री केपी शर्मा ओलीले अपराह्न ४ बजेका लागि बैठक डाकेका हुन् ।उक्त बैठक हिजो बस्ने तय भए पनि एकताको प्रयासका लागि नेताहरुबीच छलफल गर्नका लागि बैठक सारिएको ओलीपक्षीय नेताहरु बताउँछन् ।
