भरतपुर र धनगढी अस्पतालमा थप ६ जना कोरोना संक्रमितको मृत्यु
सुदूरपश्चिम प्रदेश स्थित धनगढीको कोभिड अस्थायी अस्पतालमा उपचाररत चार जना कोरोना संक्रमितको मृत्यु भएको छ ।
अस्पतालमा उपचाररत कैलाली, कञ्चनपुर, बझाङ र बर्दियाका एकरएक जनाको मृत्यु भएको जिल्ला प्रशासन कार्यालय कैलालीले जनाएको छ ।
यसैगरी भरतपुर अस्पतालमा उपचाररत दुई कोरोना सक्रमितको मृत्यु भएको छ । मृत्यु हुनेमा माडी नगरपालिकाका वृद्ध र बाराका पुरुष रहेका छन् ।
अस्पतालका अनुसार बाराको सिमरा उपमहानगरपालिका–१ बस्ने ३८ वर्षीय पुरुषको कोरोनाका कारण मृत्यु भएको छ ।
छातीमा समस्या भई वैशाख १२ गते अस्पतालमा भर्ना भएका उनमा १३ गते कोरोना सक्रमण पुष्टि भएको थियो ।त्यस्तै माडी नगरपालिका-३ का ६९ वर्षीय वृद्धको उपचारका क्रममा हिजो राति मृत्यु भएको हो ।
