काँग्रेस केन्द्रीय समिति बैठक स्थगित, नेता र कर्मचारीमा कोरोना पुष्टि
नेपाली काँग्रेसको आज दिउँसो बस्ने भनिएको केन्द्रीय कार्य समितिको बैठक स्थगित भएको छ ।
काँग्रेस केन्द्रीय सदस्य चीनकाजी श्रेष्ठसहित केन्द्रीय कार्यालयका कर्मचारी, नेताहरूको पीएसओ, चालक लगायतमा कोरोना संक्रमण पुष्टि भएपछि बैठक स्थगित भएको हो ।
यस अघि सोमबार बस्ने भनिएको बैठक सदस्यहरूको पीसीआर परीक्षण गर्ने भन्दै स्थगित गरिएको थियो ।आज बिहान कसैलाई पनि कोरोना नदेखिएको भन्दै पुनः आज दिउँसोका लागि बैठक बोलाइएको थियो ।
तर पछिल्लो रिपोर्ट अनुसार कर्मचारी र केही केन्द्रीय सदस्यहरूमा कोरोना देखिएपछि बैठक पुनः स्थगित गरिएको छ ।पछिल्लो राजनीतिक अवस्था र आसन्न १४ औँ महाधिवेशनको तयारीका विषयमा छलफल गर्न बैठक बोलाएको थियो ।
