प्रदेश १ लोक सेवा आयोगले माग्यो ८१ जना प्राविधिक कर्मचारी
प्रदेश नं १ को प्रदेश लोक सेवा आयोगले ८१ जना प्राविधिक कर्मचारीको दरखास्त आह्वान गरेको छ ।आयोगले सोमबार गोरखापत्रमा सूचना प्रकाशित गर्दै ८१ जना प्राविधिक कर्मचारीको दरखास्त आह्वान गरेको हो ।
प्रदेश १ अन्तर्गतका स्थानीय सेवाका लागि विभिन्न प्राविधिक पदहरूको खुला तथा समावेशी प्रतियोगिताबाट लिखित परीक्षा सञ्चालन गर्ने गरी विज्ञापन आह्वान गरिएको हो ।
दरखास्त वैशाख १९ गतेभित्र दिइसक्नुपर्ने छ । दरखास्त दिनको लागि उम्मेदवारको उमेर १८ वर्ष पूरा भई ३५ वर्ष ननाघेको हुनु पर्ने छ । परीक्षा केन्द्र भने विराटनगर तोकिएको छ ।
