सरकारले विजनेस नदिएर संसदले काम गर्न सक्दैन भन्ने देखाउन खोजीयो : शशी श्रेष्ठ
नेकपा माओवादी केन्द्रकी सांसद शशी श्रेष्ठले ‘सरकारले विजनेस नदिएर संसदले काम गर्न सक्दैन भन्ने सन्देश दिन खोजरिहेको आरोप लगाएकी छन् ।
आज बसेको प्रतिनिधिसभाको बैठकको विशेष समयमा बोल्दै सरकारकै कारण संसद अहिले काम गर्न नसक्ने अवस्थामा पुगेको श्रष्ठले बताएकी हुन् ।
‘सरकारले विजनेस नदिएर संसदले काम गर्न सक्दैन भन्ने सन्देश दिन खोजरिहेको छ’ उनले भनिन्, ‘के को लागि सन्देश दिन खोजेको ?’
हाल प्रतिनिधिसभा र राष्ट्रियसभामा गरी ५५ विधेयक विचाराधीन रहेको र केही अध्यादेशहरु पनि रहेको भन्दै उनले यस्तो अवस्थामा पनि ती विधेयक संसदमा पेश नगरेको बताइन् ।
सांसद श्रेष्ठले संसदको अनादर गर्ने हो भने अर्को जनादेशबाट संसद निर्वाचित भए पनि काम गर्न नसक्ने बताइन् ।