अभिनेत्री दीया मिर्जा आमा बन्दै
बलिउड अभिनेत्री दीया मिर्जा फेब्रुअरीमा विवाह भएको थियो । उनले फेब्रुअरीमा बिजनेस म्यान वैभव रेखीसँग दोश्रो विवाह गरेकी थिइन् ।
अहिले विवाह भएको डेढमहिलनामै दर्शकलाई सरप्राइज दिएकी छन् । दिया मिर्जा आमा बन्दैछिन् । उनले यो खबर स्वयं सोसल मिडिया मार्फत् दिएकी हुन् ।
जसमा लेखिएको छ ‘धर्तीको जस्तै आमा हुने आशिर्वाद मिलेको छ, एक जीवनको साथमा जो सबै कहानी र हरेक कुराको शुरुवात हो। लोरी, गीत, नयाँ रुख र फूल फूल्ने समय हो यो । मेरो गर्भमा सबै सपना भन्दा शुद्ध सपना देख्ने आशीर्वाद मिल्यो’ ।
केहि समय पहिला उनका माल्दिभ्स हनीमूनका फोटोहरु सोसल मिडियामा भाइरल बनेका थिए । जसमा उनी स्टेप डटरसँग देखिएकी थिइन् । दीयाले सनसेट हेरिरहेको एक फोटो शेयर गरेकी थिइन् ।
दीयाले वर्ष २००० मा मिस इण्डिया एशिया प्यासिफिकको ताज जितिन् । फेरि उनले करियरको शुरुवात फिल्म रहना है तेरे दिल में बाट गरेकी थिइन् ।
उनी आफ्नो अभिनयका कारण फ्यानको मनमा बस्न सफल भइन् । उनलाई पछिल्लो समय तापसी पन्नुसँग फिल्म थप्पडमा देखिएको थियो । अहिले उनी तेलेगु फिल्म वाइल्ड डगको शूटिङ गरिरहेकी छन् ।
