चीनले अनुदानमा दिएको खोप लिन नेपाल एयरलाइन्सको विमान आइतबार बेयजिङ जादैँ
चीनले अनुदानमा दिएको कोरोनाविरुद्धको खोप लिन नेपाल एयरलाइन्सको विमान बेइजिङ जाने भएको छ ।
कोभिड-१९ लगायतका अत्यावश्यक स्वास्थ्य सामग्री लिन निगमको वाइड बडी ए ३३० विमान आउँदो आइतबार बेइजिङ जाने भएको हो ।
बेइजिङबाट स्वास्थ्य सामग्री लिएर निगमको विमान भोलिपल्ट राति काठमाण्डौ फर्किने नेपाल एयरलाइन्सका एक अधिकारीले जानकार दिएका छन् ।
यही चैत १ गतेको मन्त्रिपरिषद्को बैठकले चीनबाट कोरोना विरुद्धको खोप लगायत सहायता सामग्री स्वीकार गर्ने निर्णय गरेको थियो ।
यो निर्णय अनुसार आठ लाख डोज कोरोनाविरुद्धको खोपलगायत सहायता सामग्री लिन नेपाल एयरलाइन्सको विमान बेइजिङ जान लागेको हो ।
