प्रधानमन्त्री ओली र राष्ट्रपतिबीच भेटवार्ता
प्रधानमन्त्री केपी शर्मा ओली र राष्ट्रपति विद्यादेवी भण्डारीबीच हिजो भेटवार्ता भएको छ ।प्रधानमन्त्री ओली साँझ ७ बजे राष्ट्रपतिलाई भेट्न शीतलनिवास पुगेका थिए ।
उनी करिब साढे ८ बजे त्यहाँबाट निस्कीएको बालुवाटार स्रोतले बताएको छ ।बालुवाटार स्रातले नियमित भनेको यो भेटमा मुख्यतः मुलुकमा विकसित पछिल्लो राजनीतिक घटनाक्रमबारे छलफल भएको बुझीएको छ ।
आफ्नो नेतृत्वको सरकार अल्पमतमा पर्न सक्ने र नयाँ सरकारका लागि विभिन्न दलहरुबीच छलफल चलिरहेका बेला ओली राष्ट्रपतिलाई भेट्न पुगेका हुन् ।
प्रधानमनत्री ओली राष्ट्रपतिसँग परामर्शमा व्यस्त रहँदा एमाले नेताहरु माधव नेपाल र झलनाथ खनाल भने हिजो माओवादी केन्द्रका अध्यक्ष पुष्पकमल दाहाल प्रचण्डसँग छलफलमा व्यस्त थिए ।
ओलीले चैत्र ७ गते बालुवाटारमा डाकेको एमाले केन्द्रीय कमिटी बैठकमा सामेल नहुने घोषणा नेपाल पक्षले गरिसकेको छ ।प्रधानमन्त्री केपी ओलीसँग मिल्न नसक्ने निष्कर्ष निकालेको माधव-झलनाथ समुहले आकिस्मक रुपमा प्रचण्डसँग भेटघाट गर्नुलाई वाम एकताको गृहकार्यको रुपमा हेरिएको छ ।
हिजो पेरिसडाँडामा माओवादी केन्द्रको केन्द्रीय कमिटी बैठक सकिएलगत्तै प्रचण्ड र नेता नेपालबीच कोटेश्वरस्थित नेपाल निवास नजिकै एक घरमा लामो छलफल भएको छ । छलफलमा एमाले नेता झलनाथ खनाल पनि सामेल थिए ।
छलफलमा प्रचण्डले एकताका लागि ढिलो गर्न नहुने सन्देश दिएको उनी निकट स्रोतले बतायो ।
