सिंहदरबारमा दाहाल-नेपाल समूहको संसदीय दलको बैठक जारी
नेकपाको दाहाल-नेपाल समूहको संसदीय दलको बैठक सिंहदरबारमा सुरू भएको छ। फाल्गुन २३ गतेदेखि हुने प्रतिनिधि सभा बैठकमा कसरी प्रस्तुत हुन भनेर प्रचण्ड-माधवले बैठक बोलाएका हुन्।
प्रधानमन्त्री केपी ओली पक्षले प्रमुख सचेतक देवप्रसाद गुरुङलाई कारबाही गरेर विशाल भट्टराईलाई प्रमुख सचेतक बनाएको छ।
दाहाल-नेपाल समूहले भट्टराईलाइ ६ महिनाको लगि पार्टीबाट निलम्बन गरेको छ।त्यस्तै नेकपा संसदीय दलका उपनेता सुवास नेम्वालाई समेत स्थायी कमिटीबाट छ महिनाको लागी निलम्बन गरेको छ।
सो समूहले प्रधानमन्त्री ओलीलाई साधारण सदस्यसमेत नरहने गरी पार्टीबाट निकालेको छ।
नेकपाका १ सय ७४ सांसदमध्ये १ जनाको निधन भएको छ भने सभामुख अग्नि सापकोटको दलीय हैसियत रहँदैन। नेकपामा कायम रहेका प्रतिनिधि सभाका १ सय ७२ सांसदमध्ये दाहाल-नेपाल समूहमा ८७ जना सांसद छन्।
ओली समुहमा ८३ जना रहेका छन्। दुई जना सांसद कतै खुलेका छैनन्।