नेकपा दाहाल-नेपाल समूहले बोलायो संसदीय दलको बैठक
हिजो मंगलबार सर्वोच्च अदालतले प्रतिनिधिसभा विघटन बदर गरेपछि नेकपा दाहाल-नेपाल समुहले आज संसदीय दलको बैठक बोलाएको छ ।
आज बुधबार अपराह्न ४ बजेका लागि संसदीय दलको बैठक बोलाइएको नेकपा दाहाल-नेपाल समुहका प्रवक्ता नारायणकाजी श्रेष्ठले जानकारी दिएका छन् ।
बैठकमा संसदीय दलले आगामी संसद बैठकमा खेल्नुपर्ने भूमिका र रणनीति तय गर्ने छ ।यसअघि दाहाल नेपाल समूहले केपी शर्मा ओलीलाई संसदीय नेताबाट हटाएर प्रचण्डलाई नेता चयन गरिसकेको छ ।
सो समूहले ओलीलाई नेकपाको साधारण सदस्यसमेत नरहने गरी कारबाही गरेको छ ।