दाहाल-नेपालको समूहको चौथो चरणको आन्दोलन शुरु
नेकपा दाहाल-नेपाल समूहले आजदेखि चौथो चरणको आन्दोलन शुरु गरेको छ ।
दाहाल -नेपाल समूहले आन्दोलनको कार्यक्रम अनुसार आजदेखि १२ गतेसम्म प्रदेश कमिटीको योजनामा जिल्लास्तरीय विरोध प्रदर्शन, सभा लगायतका कार्यक्रमहरुको आयोजना गरी चौथो चरणको आन्दोलन शुरु गरेको हो ।
उक्त आन्दोलन कार्यक्रम अन्तर्गत भोलि दाहाल नेपाल समूहले प्रतिगमन, महंगी र भ्रष्टाचारको विरोधमा टुँडिखेल वरिपरि मानव साङ्लो बनाएर विरोध कार्यक्रम आयोजना गरेको छ ।
दाहाल-नेपाल समूहले तेस्रो चरणको कार्यक्रम फागुन १५ गतेसम्म तय गरेको छ । उक्त कार्यक्रममा अबको १० दिन सो समूहले विभिन्न विरोधका कार्यक्रमहरु आयोजना गर्नेछ ।
प्रधानमन्त्रीको सिफारिसमा राष्ट्रपतिले गत पुष ५ गते प्रतिनिधिसभा विघटन गरेपछि नेकपा दुई खेमा विभाजन भएको छ । एक समूहको ओलीले नेतृत्व गरेका छन् भने अर्को समूहो नेतृत्व प्रचण्ड- माधवले गरेका छन् ।
संसद् विघटन गरेपछि त्यसको विरोधमा दाहाल-नेपाल समूहले आन्दोलनका कार्यक्रम गर्दै आएको छ ।
