काठमाडौं महानगरपालिकाले ३२ वटै वडामा भोलिदेखि नि:शुल्क मिर्गौला परीक्षण गर्ने
काठमाडौं महानगरपालिकाले आफ्नो नगरका ३२ बटै वडाका स्थानीय बासिन्दाको भोलिदेखि नि:शुल्क मिर्गौला परीक्षण गर्ने भएको छ ।
मिर्गौला परीक्षणका लागि भोलि ५ गतेदेखि ६ महिनासम्म अभियान चल्ने छ । उक्त अभियानमा महानगरपालिकाका १ देखि ३२ वटै वडाका बासिन्दाको नि:शुल्क मिर्गौला परीक्षण गर्ने जनस्वास्थ्य विभागले जनाएको छ ।
‘स्वस्थ मिर्गौला, स्वस्थ काठमाण्डौ’ कार्यक्रम अभियानका रुपमा सुरु गर्न लागिएको महानगरपालिकाको जनस्वास्थ्य विभागले जनाएको छ ।
विभागले सार्वजनिक सूचना निकालेर वडामा रहेको सामुदायिक सहरी स्वास्थ्य क्लिनिकमा गएर नि:शुल्क परीक्षण गराउन आग्रह गरेको छ ।
