प्रचण्डविरुद्ध सर्वोच्चमा अवहेलना मुद्दा दर्ता
नेकपा दाहाल-नेपाल पक्षका अध्यक्ष पुष्पकमल दाहाल ‘प्रचण्ड’विरुद्ध सर्वोच्च अदालतमा अवहेलना मुद्दा दर्ता भएको छ ।
अदालतको अवहेलना गरेको भन्दै नेकपा दाहाल-नेपाल अध्यक्ष प्रचण्डबिरुद्ध सर्वोच्च अदालतमा मुद्दा दर्ता भएको हो ।
अधिवक्ता समिर हायुले प्रचण्डविरुद्ध मुद्दा दर्ता गराएका हुन् ।प्रचण्डले पटक-पटक अदालत र न्यायाधीशहरुलाई लक्षित गरि धम्कीपूर्ण अभिव्यक्ति दिएको निवेदकको दाबी छ ।
निवेदन आज दर्ता गरी भोलिको लागि पेसी तोकिएको छ ।यसअघि, प्रधानमन्त्री केपी शर्मा ओली र पूर्व प्रधानन्यायाधीशहरु विरुद्ध पनि अवहेलना मुद्दा दर्ता भएको थियो ।
उनीहरुलाई सर्वोच्चले लिखित जवाफ माग गरेको छ ।
